ક્રિકેટર શોએબ મલિક BPLમાં મેચ ફિક્સિંગનો આરોપ
શોએબ મલિકે મેચ ફિક્સિંગના આરોપને અફવા ગણાવી
શોએબ મલિકે X પર વીડિયો શેર કરીને આપી માહિતી
પાકિસ્તાની ક્રિકેટર શોએબ મલિક બાંગ્લાદેશ પ્રીમિયર લીગ દરમિયાન મેચ ફિક્સિંગના આરોપોનો સામનો કરવો પડ્યો છે. હકીકતમાં, તાજેતરની મેચમાં, શોએબે તેની ફ્રેન્ચાઇઝી ફોર્ચ્યુન બરીશાલ માટે એક ઓવરમાં ત્રણ નો બોલ ફેંક્યા હતા.
શોએબ પર ઈરાદાપૂર્વક આવું કરવાનો આરોપ હતો. દરમિયાન, જ્યારે તે બાંગ્લાદેશથી પાછો ફર્યો ત્યારે એવી અટકળો હતી કે ફ્રેન્ચાઇઝીએ તેનો કરાર રદ કરી દીધો છે.
બાંગ્લાદેશથી શા માટે પાછો ફર્યો શોએબ મલિક?
જોકે, ફ્રેન્ચાઈઝીના માલિકનો એક વીડિયો સામે આવ્યો હતો જેમાં તેણે શોએબનો કોન્ટ્રાક્ટ રદ કરવાના સમાચારને ફગાવી દીધા હતા. આ દરમિયાન શોએબ મલિકે પોતે X પર આ વીડિયો શેર કર્યો અને એક લાંબી પોસ્ટમાં બાંગ્લાદેશથી પરત ફરવાનું કારણ જણાવ્યું. તેણે આ સમગ્ર મામલે પોતાનું મૌન તોડ્યું અને કહ્યું કે દુબઈમાં એક ઈવેન્ટ માટે તેને હાજરી આપવાની હતી, તેથી જ તે બાંગ્લાદેશથી પરત ફર્યો હતો.
શોએબે પોતાની પોસ્ટમાં લખ્યું, ‘હું આ મામલે ચાલી રહેલી તમામ અફવાઓનું ખંડન કરવા માંગુ છું જે ફોર્ચ્યુન બરીશાલ માટે મારા રમવાથી સંબંધિત છે. મેં મારા કેપ્ટન તમીમ ઈકબાલ સાથે આ અંગે ઊંડી ચર્ચા કરી હતી. વાતચીત પછી જ હું આગળ વધ્યો. મારે બાંગ્લાદેશથી પરત આવવું પડ્યું કારણ કે મારી પાસે દુબઈમાં મીડિયા સાથે સંકળાયેલ એક ઈવેન્ટમાં મારે હાજરી આપવાની હતી . હું ફોર્ચ્યુન બરીશાલને આગામી મેચો માટે શુભેચ્છા પાઠવું છું. જરૂર પડશે તો હું તેમને સમર્થન આપવા હાજર રહીશ.
અફવાઓને ફગાવી દીધી
શોએબે આગળ લખ્યું, ‘મેં હંમેશા ગેમ રમીને ખુશી અનુભવી છે અને ભવિષ્યમાં પણ એવું જ રહેશે. પરંતુ જ્યારે અફવાઓ ઉડે છે, ત્યારે મારે સ્પષ્ટતા કરવી પડશે. હું આવી બધી અફવાઓને સંપૂર્ણપણે નકારી કાઢું છું. આ બધી પાયાવિહોણી વાતો છે. દરેક વ્યક્તિ માટે પહેલા માહિતીની ચકાસણી કરવી અને પછી તેને ફેલાવવી મહત્વપૂર્ણ છે. ખોટી માહિતી વ્યક્તિની છબીને નુકસાન પહોંચાડી શકે છે અને મૂંઝવણ પણ ઊભી કરી શકે છે. તેથી, જરૂરી તથ્યો સાથે જ માહિતી ફેલાવવી જોઈએ.