નાસ્તા માટે ઘરે જ બનાવો રતલામી સેવ, પરફેક્ટ માપથી બનશે સરળ રીતે

• ઓછી વાનગીઓથી બનશે સેવ
• રતલામી સેવ કોઈ પણ વાનગીનો વધારે છે ટેસ્ટ
• ઝડપથી બહાર જેવી જ સેવ બનાવી શકશો ઘરે

ગુજરાતીઓ ખાવાના શોખીન હોય છે અને તેમાં પણ જો નાસ્તા તો ગમે તે સમયે મળે તો ઓછા જ પડે. હા આજે આપણે વાત કરી રહ્યા છીએ નમકીનમાં વપરાતી તીખી રતલામી સેવની. તમે અનેક કંપનીની આ સેવ વાપરતા હશો પણ તમે તેને ઘરે ભાગ્યે જ બનાવી હશે. તમે બેસન એટલે કે ચણાના લોટની મદદથી આ સેવ ઘરે જ બનાવી શકો છો.

તેને માટે તમારે ઘણી ઓછી સામગ્રીની જરૂર પડશે. તમે સરળતાથી તેને ઘરે બનાવી લેશો તો તમને ફાયદો થશે. તો જાણો ઓછી મહેનતે કેવી રીતે રતલામી સેવ બનશે ઘરે.

રતલામી સેવ

સામગ્રી

– 500 ગ્રામ બેસન

– 100 ગ્રામ તેલ મોણ માટે

– 1/2 ચમચી પાપડખારો

– 1 ચમચી મીઠું

– 1/4 ચમચી હિંગ

– 1 ચમચી મરી પાવડર

– 1 ચમચી લાલ મરચું

– 1/2 ચમચી અજમો

– 1 લીંબુનો રસ

– તેલ તળવા માટે

રીત

એક પહોળા વાસણમાં બેસન એટલે કે ચણાનો લોટ લો. હવે તેમાં મરી, મરચું, હીંગ, અજમો નાંખી તેને સારી રીતે મિક્સ કરો. એક બાઉલમાં મીઠું, પાપડખારો, તેલ, અડધો કપ પાણી ભેગું કરી ફીણવું. આ પાણીથી લોટ બાંધવો. રોટલીના લોટ જેવું રાખવું. જરૂર પડે વધારે પાણી લેવું. સેવના સંચામાં થોડું તેલ લગાવી લો. હવે તેમાં આ લોટ ભરો. તેલને ગરમ કરવા મૂકો અને પછી તેમાં સંચાની મદદથી સેવ પાડો. ગરમાગરમ સેવ તમારા નાસ્તાના સમયે તમારા કામમાં આવશે. આ સેવને તમે મહિના સુધી એરટાઈટ ડબ્બામાં સ્ટોર કરી શકો છો.