રવિવાર આવે એટલે સવારનો નાસ્તામાં ઘણા પરિવારમાંથી બહારથી ગાઠિયા, જલેબી, ખમણ અને પાત્રા આવે. આજે તમને પાત્રા ઘરે કઈ રીતે બનાવવા તેની સરળ રેસિપી જણાવશે.
ગુજરાતી પાત્રા બનાવવાની સામગ્રી
- પાત્રાના પાન
- ચણાનો લોટ
- ચોખાનો લોટ
- તેલ
- મીઠું
- તલ
- હળદર
- લાલ મરચું
- ધાણાજીરુ
- ગરમ મસાલો
- અજમો
- હીંગ
- આંબલીનું પાણી
- ગોળ
- રાઈ
ગુજરાતી પાત્રા બનાવવાની રીત
- પાત્રાના પાન લઈ તેને ભીના કપડાથી સારી રીતે લૂછી લો.
- પછી તેમાંથી મોટી ડાંડલીઓ ચપ્પાથી કાઢી લો.
- હવે બેટર માટે દોઢ વાટકો ચણાનો લોટ લો.
- તેમા થોડો ચોખાનો લોટ ઉમેરો.
- આદુ-મરચાની પેસ્ટ ઉમેરો.
- હળદર, લાલ મરચું, ધાણાજીરુ, ગરમ મસાલો,અજમો, હીંગ, આંબલીનું પાણી, થોડો ગોળ, તેલ ઉમેરો અને બધું મિક્સ કરો.
- પાણી ઉમેરી બેટર થોડું જાડું બનાવવાનું છે.
- પછી તેમા મીઠું મિક્સ કરો.
- હવે પાત્રાના પાનમાં બેટર લગાવો. જે બાજું ડાંડલીઓ કાપી તે બાજું બેટર લગાવવું.
- બેટર પહેલા એકપાનમાં લગાવી તેના પર બીજું પાન મૂકી બેટર લગાવો પછી તેા પર ત્રીજું પાન મૂકી બેટર લગવા પછી ચોથું પાન મૂકી બેટર લગાવો. પછી તેને બેટર લગાવતા લગાવતા ગોળ વાળો.
- પછી આ રોલને ઢોકળિયામાં બાફી લો.
- પછી ઢંડા કરી પાત્રાની સાઈઝમાં કાપી લો.
- હવે વઘાર માટે કઢાઈમાં તેલ લો.
- તેમા રાઈ, તલ, હીંગ, મીઠો લીમડો અને થોડું પાણી ઉમેરો.
- પછી તેમા પાત્રા મૂકો. પછી ફેરવો અને બે મિનિટ રહેવા દો.
- પછી કોથમરી મૂકી સર્વ કરો.